A partir de 1860 comezan a chegar a Cuba milleiros de labregos que, curiosamente, intentan labrar o seu futuro no asfalto da urbe: en Santiago de Cuba, en Matanzas, en Cienfuegos e, sobre todo, na Habana. Alí viviu José López, alcumado “Pote” porque converteu o caldo galego en combustible para agatuñar á cima das finanzas cubanas. Mentres, outro José, “Sloppy Joe”, facía historia na coctelería mundial.